10 वी आणि 12 वीचा निकाल कधी लागणार? बोर्डने दिली महत्त्वाची माहिती

या वर्षी 10 वी आणि 12 वीच्या परीक्षा फेब्रुवारी-मार्च 2025 मध्ये पार पडल्या. आता सर्व विद्यार्थी आणि पालक निकालाची आतुरतेने वाट पाहत आहेत. मंडळाने निकालाच्या तारखांबाबत अद्याप अधिकृत घोषणा केलेली नाही, पण गेल्या वर्षीच्या ट्रेंडनुसार, निकाल मे महिन्यात जाहीर होण्याची शक्यता आहे.

निकालाची अपेक्षित तारीख – कधी जाहीर होणार निकाल?

महाराष्ट्र बोर्डाच्या निकालाबाबत सध्या जोरदार चर्चा सुरू आहे. मंडळाचे अध्यक्ष शरद गोसावी यांनी नुकतंच सांगितलं की, निकाल 15 मे 2025 पर्यंत जाहीर होण्याची शक्यता आहे. पण गेल्या काही वर्षांतील निकालाच्या तारखांचा विचार करता, यंदा निकाल थोडा लवकर जाहीर होऊ शकतो.असा अंदाज लावला जात आहे.

12 वी निकालाची अपेक्षित तारीख (12th Result Date Prediction)

2वीचा निकाल मे महिन्याच्या पहिल्या आठवड्यात, म्हणजेच 6 मे 2025 पर्यंत जाहीर होण्याची शक्यता आहे. कारण 2024 मध्ये 12वीचा निकाल 21 मे रोजी जाहीर झाला होता. यावर्षी मंडळाने उत्तरपत्रिका तपासणीचं काम लवकर पूर्ण केलं आहे, त्यामुळे निकाल लवकर येण्याची आशा आहे. यंदा संपूर्ण राज्यभरात 15 लाखांहून अधिक विद्यार्थ्यांनी 12 वीची परीक्षा दिली आहे, ज्यात 8,10,348 मुलं, 6,94,652 मुली आणि 37 ट्रान्सजेंडर विद्यार्थी आहेत.

10 वी निकालाची अपेक्षित तारीख (10th Result Date Prediction)

10 वीचा निकाल मे महिन्याच्या शेवटच्या आठवड्यात, म्हणजेच 27 मे 2025 पर्यंत जाहीर होण्याची शक्यता आहे. कारण 2024 मध्ये 10 वीचा निकाल 27 मे रोजी जाहीर झाला होता, आणि यंदाही हाच ट्रेंड कायम राहण्याची शक्यता आहे. यावेळेस संपूर्ण महाराष्ट्रातून 16 लाखांहून जास्त विद्यार्थ्यांनी 10 वीची परीक्षा दिलेलीआहे, ज्यात 8,64,120 मुलं, 7,47,471 मुली आणि 19 ट्रान्सजेंडर विद्यार्थी आहेत.

यावर्षी निकाल लवकर का जाहीर होणार?

महाराष्ट्र बोर्डाने यंदा परीक्षा लवकर घेतल्या आणि उत्तरपत्रिका तपासणीचं कामही जलद गतीने पूर्ण केलं आहे. मंडळाच्या अधिकाऱ्यांनी सांगितलं की, “विद्यार्थ्यांना पुढील शिक्षणासाठी आणि प्रवेश प्रक्रियेसाठी जास्त वेळ मिळावा, यासाठी आम्ही निकाल लवकर जाहीर करण्याचा प्रयत्न करत आहोत.” याशिवाय, सप्लिमेंटरी परीक्षा आणि त्यांचे निकालही लवकर जाहीर करण्याचा मंडळाचा प्रयत्न आहे, जेणेकरून विद्यार्थ्यांचं शैक्षणिक वर्ष वाया जाणार नाही.

निकाल कसा पाहावा – अगदी सोपी पद्धत

निकाल जाहीर झाल्यानंतर, विद्यार्थ्यांना तो पाहण्यासाठी अनेक पर्याय उपलब्ध असतील. मंडळाने निकाल पाहण्यासाठी साध्या आणि सोप्या पद्धती उपलब्ध करून दिल्या आहेत, जेणेकरून सर्व विद्यार्थी सहजपणे आपला निकाल पाहू शकतील.

1. निकाल पाहण्यासाठी खालील Steps चा वापर करा.

• वेबसाइट वर जा – निकाल पाहण्यासाठी पुढे दिलेल्या अधिकृत वेबसाइटवर जा – mahresult.nic.in.
• मुख्य पेजवर – “SSC Examination Result 2025” किंवा “HSC Examination Result 2025” असा पर्याय निवडा.
• माहिती भरा – अधिकृत वेबसाइट वर तुमचा रोल नंबर आणि तुमच्या आईचं पहिलं नाव लिहा (आईचे नाव आणि रोल नंबर तुमच्या अ‍ॅडमिट कार्डवर लिहिलेला असतो).
• “Submit” बटणावर क्लिक करा.
• तुमचा निकाल स्क्रीनवर दिसेल. तो डाउनलोड करा आणि प्रिंट काढून ठेवा.

2. SMS द्वारे निकाल पाहण्यासाठी सोपा पर्याय

निकालाच्या दिवशी जर अधिकृत वेबसाइट काही तांत्रिक अडचणींमुळे व्यवस्थित चालली नाही. तर तुम्ही तुमचं निकाल एसएमएस (SMS) द्वारे सुद्धा पाहू शकता.

SMS द्वारे 12 वी चा निकाल पाहण्यासाठी सोप्या स्टेप्स –

• तुमच्या मोबाइलवर मेसेज टाईप करा: MHHSC <Seat Number>
• हा मेसेज 57766 या क्रमांकावर पाठवा.
• काही मिनिटांत तुम्हाला निकालाचा मेसेज मिळेल.

SMS द्वारे 10 वी चा निकाल पाहण्यासाठी सोप्या स्टेप्स –

• मेसेज टाईप करा: MHSSC <Seat Number>
• हा मेसेज 57766 या क्रमांकावर पाठवा.
• तुम्हाला निकाल मेसेजद्वारे मिळेल.

DigiLocker वरून निकाल पाहा

DigiLocker हे एक शासनाचे मोबईल अ‍ॅप आहे, जिथे तुम्ही तुमची शैक्षणिक कागदपत्रे डिजिटल स्वरूपात ठेवू शकता

DigiLocker वर निकाल कसा पाहायचा ?

1. DigiLocker अ‍ॅप डाउनलोड करा किंवा digilocker.gov.in वर जा.
2. तुमचं अकाउंट लॉगिन करा (जर नसेल तर नवीन अकाउंट बनवा).
3. “Education” सेक्शनमध्ये जा आणि “Maharashtra State Board” निवडा.
4. तुमचा रोल नंबर आणि आवश्यक माहिती टाका.
5. तुमची मार्कशीट डाउनलोड करा.

शाळेतून निकाल मिळवा

निकाल जाहीर झाल्यानंतर काही दिवसांनी तुमच्या शाळेतून मूळ मार्कशीट मिळेल. ऑनलाईन मार्कशीट ही तात्पुरती असते, पण शाळेतून मिळणारी मार्कशीट ही अधिकृत असते. ती मार्कशीट व्यवस्थित सांभाळून ठेवा कारण भविष्यात तिचे तुम्हाला खूप ठिकाणी काम पडणार आहे.

निकालात काय तपासावं?

निकाल पाहिल्यानंतर, त्यातील माहिती नीट तपासणं खूप महत्त्वाचं आहे. चुकीची माहिती असल्यास ती दुरुस्त करून घेण्यासाठी लगेच शाळेशी संपर्क साधा. निकाल पाहताना खालील बाबी अगदी व्यवस्थित पणे तपासून घ्या.

• विद्यार्थ्याचं नाव आणि रोल नंबर: तुमचं नाव आणि रोल नंबर बरोबर आहे का, हे तपासा.
• विषयानुसार गुण: प्रत्येक विषयात मिळालेले गुण नीट पाहा.
• एकूण गुण आणि टक्केवारी: तुमचे एकूण गुण आणि टक्केवारी योग्य आहे का, हे तपासा.
• पास किंवा नापास: तुम्ही पास झाला आहात की नाही, हे पाहा. पास होण्यासाठी प्रत्येक विषयात किमान 35% गुण मिळणं आवश्यक आहे.

जर काही चूक आढळली, तर लगेच तुमच्या शाळेच्या मुख्याध्यापकांशी संपर्क साधा आणि ती दुरुस्त करून घ्या.

निकालानंतर काय करावं?

निकाल जाहीर झाल्यानंतर विद्यार्थ्यांसमोर अनेक पर्याय असतात. तुम्ही पास झाला असाल तर पुढील शिक्षणाचा विचार करू शकता, आणि जर दुर्दैवाने नापास झाला असाल, तर सप्लिमेंटरी परीक्षेचा पर्यायही आहे.

पास झालेल्या विद्यार्थ्यांसाठी

• 12वीच्या विद्यार्थ्यांसाठी: 12वी पास झाल्यानंतर तुम्ही कॉलेजमध्ये प्रवेश घेऊ शकता. तुम्ही सायन्स, कॉमर्स किंवा आर्ट्स या शाखांमधून पुढील शिक्षण घेऊ शकता. याशिवाय, JEE, NEET सारख्या स्पर्धा परीक्षांची तयारीही सुरू करू शकता.
• 10वीच्या विद्यार्थ्यांसाठी: 10वी पास झाल्यानंतर तुम्हाला 11वीसाठी शाखा निवडायची आहे. सायन्स, कॉमर्स, आर्ट्स किंवा व्होकेशनल कोर्सेस यापैकी एक पर्याय निवडा. तुमच्या आवडीचं क्षेत्र निवडा आणि पुढील शिक्षणाचा मार्ग ठरवा.

नापास झालेल्या विद्यार्थ्यांसाठी

• जर तुम्ही एक किंवा दोन विषयांत नापास झाला असाल, तर घाबरू नका. मंडळ सप्लिमेंटरी परीक्षा घेते, ज्या तुम्ही देऊ शकता.
• सप्लिमेंटरी परीक्षा कधी? या परीक्षा जुलै-ऑगस्ट 2025 मध्ये होण्याची शक्यता आहे.
• निकाल कधी? सप्लिमेंटरी परीक्षांचा निकाल ऑगस्ट-सप्टेंबर 2025 मध्ये जाहीर होईल.
• कसं अर्ज करावं? तुमच्या शाळेतून किंवा मंडळाच्या वेबसाइटवरून अर्ज करू शकता.

निकालाच्या वेळी येणाऱ्या अडचणी आणि त्यावर उपाय

निकाल जाहीर झाल्यावर अनेकदा काही अडचणी येतात, जसं की वेबसाइट क्रॅश होणं किंवा लॉगिनमध्ये अडचण येणं. यंदा मंडळाने या अडचणी टाळण्यासाठी काही पावलं उचलली आहेत.

वेबसाइट क्रॅश होण्याची समस्या

• काय होतं? निकाल जाहीर झाल्यावर एकाच वेळी लाखो विद्यार्थी वेबसाइटवर लॉगिन करतात, त्यामुळे वेबसाइट क्रॅश होते.
• मंडळाची तयारी: माहिती तंत्रज्ञान मंत्री आशिष शेलार यांनी मंडळाला वेबसाइटची क्षमता वाढवण्याचे आदेश दिले आहेत. त्यांनी वेबसाइटचा लोड टेस्टिंग आणि सायबर सिक्युरिटी तपासण्यासाठी एक अहवाल सादर करण्यास सांगितलं आहे.
• तुम्ही काय करू शकता? जर वेबसाइट काम करत नसेल, तर थोडा वेळ थांबून पुन्हा प्रयत्न करा. किंवा SMS किंवा DigiLocker चा पर्याय वापरा.

चुकीची माहिती किंवा त्रुटी

• जर तुमच्या निकालात काही चूक असेल (जसं की नाव, गुण, टक्केवारी), तर घाबरू नका. लगेच शाळेशी संपर्क साधा आणि ती चूक दुरुस्त करून घ्या.

तणाव कसा कमी करावा?

निकालाची वाट पाहताना अनेक विद्यार्थ्यांना तणाव येतो. यासाठी काही सोप्या टिप्स:

• तुमच्या आवडीचं काम करा, जसं की खेळ खेळणं, मित्रांसोबत वेळ घालवणं.
• जास्त विचार करू नका, निकाल हा फक्त एक टप्पा आहे, आयुष्याचा शेवट नाही.
• पालकांनीही मुलांवर दबाव टाकू नये, त्यांना प्रोत्साहन द्या.

प्रतीक्षा संपली, आता तयारीला लागा !

महाराष्ट्र बोर्डाचा 10वी आणि 12वीचा निकाल 2025 मे महिन्यात जाहीर होणार आहे, आणि याची अपेक्षित तारीख आहे 6 मे (12वी) आणि 27 मे (10वी). निकाल पाहण्यासाठी तुम्ही अधिकृत वेबसाइट, SMS किंवा DigiLocker चा वापर करू शकता. निकाल जाहीर झाल्यानंतर तुमची मार्कशीट डाउनलोड करा, ती नीट तपासा आणि काही चूक असल्यास शाळेशी संपर्क साधा.

निकाल हा तुमच्या आयुष्यातील एक महत्त्वाचा टप्पा आहे, पण हा शेवट नाही. पास झालेल्या विद्यार्थ्यांनी पुढील शिक्षणाचा मार्ग निवडावा, आणि जे नापास झाले आहेत, त्यांनी सप्लिमेंटरी परीक्षेची तयारी करावी. मंडळाने यंदा निकाल लवकर जाहीर करण्याचा निर्णय घेतला आहे, जेणेकरून विद्यार्थ्यांना पुढील शिक्षणासाठी जास्त वेळ मिळेल.